ॐ
ഉത്സംഗേ സത്യവത്യാഃ വിലസതി പരമം തത്വമേകം തുരീയം
മുഗ്ധം ബാലസ്വരൂപം വിതരദതിസുഖം വ൪ണ്ണനാതീതരൂപം
വൈകുണ്ഠാദാഗതം തത് കലിമല നിവഹം നാശയിത്വാനതേഭ്യഃ
ദാതും ജ്ഞാനം ഭയഘ്നം പ്രവിശതു സതതം സ൪വസന്മംഗലാനി
ബാലസ്വരൂപം വ്യാസസ്യ വന്ദേ മോഹനസുന്ദരം
വന്ദാരുജയമന്ദാരം വൃന്ദാരകനിഷേവിതം
തേജസാ ജിതബാല൪കം മേധസാ ജിതവേധസം
ലാവണ്യേന ജിതാനംഗം ഗംഗോദ്ഭവപദം ഭജേ
വ൪ണനാതീതചിദ്രൂപം ഭാവനാതീതസുന്ദരം
മാനാതീത പ്രമേയം തത് ആനന്ദധനമാശ്രയേ
വാചാമഗോചരം വേദ്യം ഭക്തൈ൪ഭക്ത്യൈവ കേവലം
ഭക്താനുകമ്പിതം വ്യാസം അഗമ്യം സ൪വഗം ഭജേ
ഭയാന്ധകാര പൂഷാണം ജ്ഞാനം വിഗ്രഹവത്പരം
ബാലരൂപം പരബ്രഹ്മ തേജോരാശിം ഭജേനിശം
പുരാണ പ്രഭവം ദേവം നിഗമാഗമസംഭവം
വന്ദേശിശും ശാശ്വതം തം വസിഷ്ഠകുലപുംഗവം
ഔദാര്യ ഭക്തവാത്സല്യ ശുദ്ധാനന്ദഗുണാ൪ണവം
കാമക്രോധാദിദോഷാതിദൂരം പാരാശരംഭജേ
വേദവ്യാസ ജയന്ത്യാം യത് കൃതം സ്തോത്രം യഥാമതി
ഭൂയാത് ഭക്ത്യാ൪പിതം ഭക്തവത്സലശ്രീശതുഷ്ടയേ
ഇതി ശ്രീമത് സുധീന്ദ്രതീ൪ത്ഥകൃതം
ശ്രീ ദിവ്യ ശിശുവ്യാസ സ്തോത്രം സംപൂ൪ണം
Sri Divya SisuVyasa Sthothram composed by H. H. Srimad Sudhindra Thirtha Swamiji
(Click here for Roman and here for Devanagari scripts)