ശോഭനാദിതിശ്ചചാര ദുഷ്കരം പയോവ്രതം
കശ്യപോ പി ഭക്തിപൂര്‍ണപൂജയാ തുതോഷതാം
ഭക്തവത്സലോ ഹരിര്‍ഭുവം ദയാലുരായയൌ
തം നമാമി വാമനം ജഗന്‍മനോഹരം പരം

ആത്മജം ചതുര്‍ഭുജം പതാബ്ജചക്രധാരിണം
ദിവ്യതേജസായുതം നിരീക്ഷ്യ കശ്യപാദിതീ
പ്രേമതഃ പ്രണേമതുര്‍ഗദായുതം പ്രഭും ഹരിം
തം നമാമി വാമനം ജഗന്‍മനോഹരം പരം

യസ്യ ജന്‍മനാ ബഭൂവ കശ്യപോ മഹാന്‍ഭുവി
വിശ്വസൃഗ്വിധിശ്ച യസ്യ നാഭി പത്മസംഭവഃ
യദ്ദയാ ദദൌ പുരന്ദരായ ശക്രതാം പുനഃ
തം നമാമി വാമനം ജഗന്‍മനോഹരം പരം

യത്പദാബ്ജസംഭവാ പിതാമഹസ്യ പൂജയാ
ജാഹ്നവീ നദീ ജടാം വിവേശ ശന്‍കരസ്യതു
യത്നതോ ഭഗീരഥസ്യ ഭൂമിമാഗതാ തഥാ
തംനമാമി വാമനം ജഗന്‍മനോഹരം പരം

ഇന്ദ്രശത്രുദൈത്യരാട്ബലീന്ദ്രനിഗ്രഹേച്ഛയാ
യജ്ഞവാടമാവിശന്തമിന്ദിരാപതിം ബലേഃ
വീക്ഷ്യതസ്യതേജസാ ജിതാഃ സമസ്തയാജ്ഞികാഃ
തംനമാമി വാമനം ജഗന്‍മനോഹരം പരം

യന്‍മുഖം സമീക്ഷ്യ ലജ്ജിതോ ബഭൂവ ചന്ദ്രമാഃ
മന്‍മഥഃ പരാജിതോ ഭവത് യദംഗശോഭയാ
യസ്യ തേജസാ സമസ്തജ്യോതിഷാംകുലം മിതം
തംനമാമി വാമനം ജഗന്‍മനോഹരം പരം

ദിവ്യഭവ്യമുഗ്ധമൂര്‍തി ദര്‍ശനേന മോഹിതാഃ
ദൈവദൈത്യവിപ്രവര്യതാപസാ ഹ്യുപസ്ഥിതാഃ
നൈവ തൃപ്തിമാപുരസ്യ ദര്‍ശനേന വിസ്മിതാഃ
തംനമാമി വാമനം ജഗന്‍മനോഹരം പരം

ഛത്രദണ്ഡ മേഖലാജിനാദി ഭൂഷീതം വടും
ബ്രഹ്മതേജസാദൃശം പ്രഭുല്ലിതം സ്മിതാനനം
ശാസിതാരമീശിതാരമീപ്സിത പ്രദായകം
തംനമാമി വാമനം ജഗന്‍മനോഹരം പരം

വിക്രമത്രയേണ സര്‍വലോകമാപനം കൃതം
ശ്രീ ത്രിവിക്രമോ ബഭൂവ പാവിതം ജഗത്രയം
അന്തഹീനതാഹരേസ്തു ദര്‍ശിതാ ജഗത്രയേ
തംനമാമി വാമനം ജഗന്‍മനോഹരം പരം

നിഗ്രഹേ ബലേരഭൂദനുഗ്രഹോ മഹാന്‍ഹരേഃ
വാസവം ത്രിലോകനായകം ചകാര ശ്രീപതീഃ
ദര്‍ശിതാ ഹരേഃ കൃപാ ബലീയസീ നിരന്തരാ
തംനമാമി വാമനം ജഗന്‍മനോഹരം പരം

കാശീമഠീയ സുക്രൃതീന്ദ്രകൃപാകടാക്ഷാത്
തച്ഛിഷ്യ നിര്‍മിതമിദം സ്തവനം പവിത്രം
ശ്രീ വാമനസ്യ സതതം പരമാദരേണ
പ്രപ്നോതി ഭക്തിമമലാം പ്രപഠന്‍ മനുഷ്യഃ

ഇതി ശ്രീമദ് സുധീന്ദ്രതീര്‍ത്ഥകൃതം
ശ്രീ വാമനാഷ്ടകം സംപൂര്‍ണം

 Sri Vamanashtakam composed by H. H. Srimad Sudhindra Thirtha Swamiji
(Click here for Roman letters)