ॐ
വിധീശേന്ദ്ര വൃന്ദാരകൈഃ പൂജിതാഘ്രീം
മരുത്പുത്ര പക്ഷീന്ദ്ര വിഘ്നേശ സേവ്യം
നതം പുത്രവത്പാലയന്തം ദയാലും
ഭജേ വെന്‍കടേശം രമേശം സുരേശം
മുരാരിം സുരാരീന്ദ്രവംശപ്രണാശം
അഘാരിം നതാഘൌഘനാശം പ്രകാശം
സദാനന്ദമീശം ചിദാകാശവാസം
ഭജേ വെന്‍കടേശം രമേശം സുരേശം
പവിത്രം ചരിത്രം വിചിത്രം തു യസ്യ
ശ്രുതം ശ്രദ്ധയാ ചിന്തിതം കീര്‍ത്തിതം ച
ദദാതീശഭക്തിം മനോവാഞ്ചിതം ച
ഭജേ വെന്‍കടേശം രമേശം സുരേശം
പ്രഭും പത്മനാഭം വിഭും വിശ്വനാഥം
രമാവല്ലഭം മാധവം ചിത്പ്രകാശം
ഗുരൂണാം ഗുരും ശാശ്വതം ശാശ്വതാനാം
ഭജേ വെന്‍കടേശം രമേശം സുരേശം
സതാം പോഷണം ശാസകം ദു൪ജനാനാം
ഹരിം ശോഭനം സജ്ജനാനാം ശരണ്യം
ദയാപൂ൪ണനേത്രം ധരാശ്രീ കളത്രം
ഭജേ വെന്‍കടേശം രമേശം സുരേശം
മനോജ്ഞം ശരീരം വരേണ്യം ച ദിവ്യം
സുരൈഃ കിന്നരൈഃ സേവിതം യോഗിവര്യൈഃ
പ്രസന്നം മുഖംയസ്യ മാംഗല്യദം തം
ഭജേ വെന്‍കടേശം രമേശം സുരേശം
സ്വഭക്തേഷ്ടദാനോത്സുകം ഭക്തിഗമ്യം
നിതാന്തോദ്യതം ഭക്തകഷ്ടപ്രണാശേ
മഹൗദാര്യസൗശീല്യ വാത്സല്യപൂ൪ണം
ഭജേ വെന്‍കടേശം രമേശം സുരേശം
സുപ൪ണേതു ഹൈമേധിരൂഢം മനോജ്ഞം
മഹാവിഷ്ണു യാഗോത്സവേ മാധവസ്യ
മഹാരത്നഭൂഷാതിരമ്യം പ്രസന്നം
ഭജേ വെന്‍കടേശം രമേശം സുരേശം
ദ്വിജൈ൪ഗൗഡ സാരസ്വതൈ൪യാചിതോയം
പുരേഗോശ്രിയാഖ്യേസ്വഭക്തേഷ്ടദാതാ
ശുഭേ മന്ദിരേ പൂജിതോദേവദേവോ
രമാ വെ൯കടേശഃ പ്രസന്നോസ്തു നിത്യം
കാശീമഠീയ സുകൃതീന്ദ്രയതീന്ദ്ര പാദ-
ശിഷ്യേണ നി൪മിതമിദം സ്തവനം പവിത്രം
ഗോശ്രീപുരേശ വരവേ൯കടനായകസ്യ
ഭക്തിം ലഭേതമനുജഃ പ്രപഠ൯ മുരാരേഃ
Sri Venkatesha Bhujangaprayatham composed by H. H. Srimad Sudhindra Thirtha Swamiji
(Click here for Roman letters)